Foto-məsnəvi 

Yazının öncəki P.S.-si 

Eh, Rə, sən olmasaydın və məni zəlzələ etməsəydin, bəlkə bu material da içimdə bic ölərdi...

www.Azyazar.com adlı mənim bu saytımın bir qardaşı var ki, başında şair qaqam Əli Əlioğlu yarpaq kimi əsir - o günləri, bəlkə də dünən, yəni 2007-ği il noyabrın 5-də AYB-nin Natəvan klubunda Poeziya gecəsi keçirmək əzmi ilə gənc yazarları, daha dəqiq ifadə etsəm, biz qələm dostlarını bir araya gətirmək istədi.

Fotosalnaməçi: Aydın Xan

Yadımdakı vaxtilə 1999-cü  ildən 2004-cü ilə qədər elə bu məkandaca təşkil etdiyim boz ədəbi-poetik tədbirlər işıqlandı.

Mən orada Əlidən və onun tanış dostlarından başqa yeni nəsil yaradıcı gənci görməsəm də, hər halda, Qəşəm Nəcəfzadə, Ədalət Əsgəroğlu, Fərqanə, - bir qədər gözləyin, götürdüyüm qeydləri eşələyim görüm, daha kimlər vardı, - İmir Məmmədli (Əlinin dayısı olduğundan), Simuzər Nüsrətbəyli (yəqin AYB-da işi varmış, fürsəti fötə verməyərək kluba təşrif buyurmuşdu - mənə virtual anlayışının mənasını bilmədiyini söyləyən ingiliscəyə poetik-kommersiya tərcümələrini edən şairə-mütərcim Sevil Gültən də elə o səbəbdən gəlib zalın birinci sırasının ilk oturacağında yerini rahatlamışdı: kürsüyə lap yaxın məkan...), Zirəddin Qafarlı, Səlim Babullaoğlu, Oqtay Hacımusallı, Rəbiqə Nazimqızı, (görən adıyla imzasını düz, dilin ədəbi normalarına uyğun yığdım, əks təqdirdə boğar məni), Elnarə Şəms - bircə Dayandur Sevginin yeri adamın kədərini qaşıyırdı - və daha bir neçə imzası bəlli, yaşı çoxdan 30-35, hətta 45-50-ni haqlamışlararın həvəslə şeirləşməsi maraqlı, qəribə, heyrətedici hadisəydi: millət pul-para, şan-şöhrət qazanır, gözünədöndüyüm yazı-çoxu isə-pozu adamları iş günün günorta çağı ədəbiyyatlaşırdılar... Burada deyirlər də: Niyə dağılmırsan ay zamanə!!.

Bu yerdə mütləq Səlimin, bəlkə də Rə-nin şəklinə diqqət ayırmalıyam-ıq! 

Tədbirin danışan aparıcısı Səlim Babullaoğlu ilə susan təşkilatçısı Əli Əlioğlu

Mən sol intellektual poeziyadan dəm vururdumç zaldakılar elə hey sevgidən, bülbüldən, quşdan şeir deyirdilər...

Bu ardıvarlar gözümüzün qurdunu öldürür də...