İyun 17, 2008 23:13
QHT-LƏRƏ DÖVLƏT DƏSTƏYİ ŞURASI LAYİHƏ MÜSABİQƏSİ (Elan, ərizə forması)
AZƏRBAYCAN RESPUBLİKASININ PREZİDENTİ YANINDA QEYRİ-HÖKUMƏT TƏŞKİLATLARINA DÖVLƏT DƏSTƏYİ ŞURASI QHT-LƏRƏ İLK MALİYYƏ YARDIMI MÜSABİQƏSİNİ ELAN ETMİŞDİR
İyunun 12-də Beynəlxalq Mətbuat Mərkəzində Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, Milli Məclisin deputatı Azay Quliyev mətbuat konfransı keçirmişdir.
Azay Quliyev şuranın fəaliyyəti, görülən işlər barədə məlumat vermişdir. Bildirmişdir ki, qurumun fəaliyyətinin tənzimlənməsi üçün zəruri olan sənədlər və hüquqi-normativ aktlar hazırlanaraq təsdiqlənmişdir. Yaradılmış hüquqi
baza QHT-lərə maliyyə yardımı ayrılması prosesinə başlanmasına imkan yaratmışdır.
Şura sədri QHT-lərə maliyyə yardımının Azərbaycan Respublikasının qeyri-hökumət təşkilatlarına dövlət dəstəyi Konsepsiyasındakı prioritet istiqamətlər üzrə göstəriləcəyini vurğulamışdır. O bildirmişdir ki, şura müsabiqəyə təqdim edilmiş QHT layihələrinin maliyyələşdirilməsində heç bir ayrı-seçkiliyə yol vermədən, layihələrin peşəkarlıq xüsusiyyətlərinə, ictimai əhəmiyyətinə və icra olunmasında gözlənilən zəruri keyfiyyət amillərinə diqqət yetirəcəkdir.
A.Quliyev onu da bildirmişdir ki, QHT-lərə dövlət dəstəyi məqsədi ilə 2008-ci ilin dövlət büdcəsindən 1,5 milyon manat vəsait nəzərdə tutulmuşdur. Bu vəsaitin az bir qismi şuranın katibliyinin xərclərinin ödənilməsinə, qalan hissəsi isə qeyri-hökumət təşkilatlarının layihələrinin maliyyələşdirilməsinə yönəldiləcəkdir.
Sonra şura sədri jurnalistləri maraqlandıran suallara aydınlıq gətirmişdir.
AZƏRBAYCAN RESPUBLİKASININ PREZİDENTİ YANINDA QEYRİ-HÖKUMƏT TƏŞKİLATLARINA DÖVLƏT DƏSTƏYİ ŞURASI 2008-ci il üçün
QHT-lərin layihələrinin maliyyələşdirilməsi ilə bağlı müsabiqə
ELAN EDİR
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası (bundan sonra Şura adlanacaq) QHT-ləri müsabiqədə iştirak etmək üçün ərizələrini təqdim etməyə dəvət edir.
Şura ilk növbədə “Azərbaycan Respublikasının qeyri-hökumət təşkilatlarına dövlət dəstəyi Konsepsiyası”na uyğun olaraq, aşağıdakı istiqamətlər üzrə layihələrə üstünlük verəcəkdir:
İstiqamətlər | Ümumi fond | |
1. | İnsan hüquq və azadlıqlarının müdafiəsi, demokratik proseslərin inkişafı və vətəndaşların seçki fəallığının artırılması, söz, fikir və ifadə azadlığının genişlənməsi | 90.000 AZN |
2. | QHT-lərin institusional inkişafı və onlarda peşəkarlığın artırılması, QHT maarifçiliyi və QHT-lərin ictimaiyyətlə əlaqələrinin (PR) gücləndirilməsi | 90.000 AZN |
3. | Qaçqın və məcburi köçkünlərin, əsir və girov götürülmüş şəxslərin hüquqlarının beynəlxalq təşkilatlarda və beynəlxalq məhkəmə orqanlarında müdafiə edilməsi, Ermənistan-Azərbaycan, Dağlıq Qarabağ münaqişəsi ilə bağlı Azərbaycanın ədalətli mövqeyinin xarici ölkələrdə və beynəlxalq təşkilatlarda təbliğ edilməsi | 90.000 AZN |
4. | Ailə, qadın, uşaq və gənclərin problemlərinin həllinə dəstək | 90.000 AZN |
5. | Qaçqın və məcburi köçkünlərin, əlil, veteran və şəhid ailələrinin problemlərinin həllinə kömək | 90.000 AZN |
6. | Azərbaycanın dünya birliyinə inteqrasiyasının təşviqi və azərbaycançılığın təbliği | 90.000 AZN |
7. | Azərbaycanın milli-etnik müxtəlifliyinin və milli azlıqların mədəni irsinin qorunması | 90.000 AZN |
8. | Səhiyyənin inkişafı, əhalinin sağlamlığının qorunması, ətraf mühitin mühafizəsi və təbii sərvətlərdən səmərəli istifadə edilməsi | 90.000 AZN |
9. | Gənclərin vətənpərvərlik ruhunun gücləndirilməsi, onların fiziki və mənəvi inkişafının təmin edilməsi | 90.000 AZN |
10. | Elm,təhsil və mədəniyyətin inkişafına dair təşəbbüslərin dəstəklənməsi | 90.000 AZN |
11. | Terrorizmə, narkomaniyaya, korrupsiyaya və insan alverinə qarşı mübarizə | 90.000 AZN |
12. | Regionlarda sosial-iqtisadi inkişafa, vətəndaş cəmiyyəti təsisatlarının möhkəmlənməsinə və institusional inkişafına dəstək | 90.000 AZN |
13. | Sahibkarlığın inkişafının dəstəklənməsi, sosial tərəfdaşlıq mexanizmlərinin təkmilləşdirilməsi və sosial sərmayə proqramlarının effektivliyinin monitorinqi | 90.000 AZN |
14. | Beynəlxalq təşkilatlarla və xarici ölkələrdə fəaliyyət göstərən qeyri-hökumət qurumları ilə əməkdaşlığın genişləndirilməsi | 70.000 AZN |
15. | Qeyri-hökumət təşkilatlarının fəaliyyətini tənzimləyən qanunvericilik bazasının və dövlət orqanları ilə qeyri-hökumət təşkilatlarının münasibətlərinin dərinləşməsinə yönəlmiş normativ hüquqi aktların təkmilləşdirilməsi | 30.000 AZN |
Müsabiqə aşağıdakı sahələri dəstəkləmir:
· Siyasi fəaliyyət
· Dini fəaliyyət
· Ayrı-ayrı fərdlərə maddi yardım
· Təhsil üçün təqaüdlər.
Hər layihə üçün maksimum məbləğ 20 000 (iyirmi min) manat müəyyən edilmişdir.
Ərizələr 2008-ci ilin iyun ayının 12 -dən iyul ayının 2- dək həftənin I-V günlərində saat 10.00-dan 18.00-dək Şuranın ofisində qəbul olunur. Ərizə şəxsən təqdim edilə və ya poçtla göndərilə bilər.
Ünvan: Bakı şəhəri, AZ 1065, C.Cabbarlı küçəsi 44, Caspian Plaza.
Nəticələr 30 iyul 2008-ci il tarixdən sonra elan ediləcəkdir.
Ərizə yalnız Şuranın təsdiq etdiyi formada (elana əlavə edilir), Azərbaycan dilində çap və elektron variantda (diskdə, Times New Roman şriftində) təqdim edilməli və Şuranın Katibliyində qeydiyyatdan keçməlidir.
Ərizə təqdim edən QHT üçün tələblər:
· QHT-nin bank hesabı olmalı
· Hər QHT yalnız bir layihə təklifi ilə çıxış etməlidir.
Layihəyə aşağıdakı sənədlər əlavə olunur:
· İcra planı
· Microsoft Excel Proqramında tərtib olunmuş büdcə
· QHT-nin dövlət qeydiyyatı haqqında şəhadətnamənin surəti
· VÖEN-in surəti
· Layihə rəhbərinin tərcümeyi-halı (CV)
· Birgə layihələr olduğu təqdirdə birgə fəaliyyətə dair imzalanmış müqavilə.
Müsabiqə ilə bağlı ətraflı məlumatı 20 iyun 2008-ci il tarixdə saat 11.00-da Beynəlxalq Mətbuat Mərkəzində müsabiqəyə həsr olunmuş məlumat sessiyasında əldə edə bilərsiniz.
Qeyd: Müsabiqə ilə bağlı əlavə məlumatları Şuranın Katibliyindən əldə edə bilərsiniz.
Tel: (012) 596 53 06, 596 53 07, fax: (012) 596 53 07
Müsabiqədə iştirak etdiyinizə görə təşəkkürümüzü bildiririk!
Katibliyin qeydləri üçün | |
Qeydiyyat nömrəsi ____________ Qeydiyyat tarixi “__” ________ 20_ il Qeydə alan məsul şəxs: Adı və soyadı __________________ Vəzifəsi __________________ İmzası __________________ | Mövzu ____________________________ Şifahi müsahibə aparan: Adı və soyadı ______________________ Vəzifəsi ___________________________ Müsahibə tarixi “___”__________ 20__ il İmzası __________________ Ekspertlərin ümumi rəyi ______________ |
AZƏRBAYCAN RESPUBLİKASININ PREZİDENTİ YANINDA
QEYRİ-HÖKUMƏT TƏŞKİLATLARINA DÖVLƏT DƏSTƏYİ ŞURASINDAN
MALİYYƏ YARDIMININ ALINMASI ÜÇÜN
ƏRİZƏ FORMASI
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının (bundan sonra Şura adlanacaq) maliyyə yardımı müsabiqəsi üçün ərizə formasını (o cümlədən elektron variantını) Şuranın katibliyindən əldə edə bilərsiniz.
1. ÜMUMİ MƏLUMAT
Layihənin adı | |
Layihənin mövzusu | |
Layihənin rəhbəri (adı və soyadı) və onun təşkilatda tutduğu vəzifəsi | |
Təşkilatın adı | |
Dövlət qeydiyyatı haqqında şəhadətnaməninnömrəsi | |
Bank rekvizitləri | |
Poçt ünvanı və indeksi | |
Təşkilatın rəhbərinin adı, soyadı və atasının adı | |
İş telefonu | |
Ev telefonu | |
Mobil telefonu | |
Elektron poçt ünvanı | |
Layihənin müddəti | |
Layihənin ümumi məbləği | |
Şuradan tələb olunan məbləğ |
Təqdim olunan ərizədə məlumatların düzgünlüyünü təsdiq edirəm.
Möhür yeri Təşkilatın rəhbərinin imzası _________________
Tarix: “____” ____________ 20______ il
2. TƏŞKİLAT HAQQINDA ÜMUMİ MƏLUMAT
2.1. TƏŞKİLATIN ƏSAS FƏALİYYƏT İSTİQAMƏTİ (Missiyası)
2.2. TƏŞKİLATIN TƏQDİM ETDİYİ LAYİHƏ ÜZRƏ TƏCRÜBƏSİ
Bu bölmədə layihədə göstərilən ictimai problemin həlli sahəsində təşkilatınızın iş təcrübəsi, həyata keçirdiyi tədbirlər və layihələr, mütəxəssis potensialı haqda məlumatlar qeyd edilir (məlumatın həcmi 1 səhifədən (A-4) çox olmamalıdır).
2.3. TƏŞKİLATIN HƏYATA KEÇİRDİYİ LAYİHƏLƏR
Bu başlıq altında aşağıdakı formaya uyğun olaraq təşkilatınızın son 3 ildə həyata keçirdiyi layihələr barədə məlumat verilməlidir.
№ | Layihənin adı | Həyata keçirilmə müddəti | Məbləği | Donoru |
1 | ||||
2 |
LAYİHƏNİN YAZILIŞ QAYDASI
EKSPERTİZAYA TƏQDİM OLUNAN MƏLUMAT
Katibliyin qeydləri üçün | |
Qeydiyyat nömrəsi ____________ Qeydə alan məsul şəxs: İmzası __________________ Adı və soyadı __________________ Vəzifəsi __________________ | Mövzu ______________________________ Ekspertiza aparan: 1) Adı və soyadı _______________________ Ekspertiza tarixi “___”________ 20____ il Rəyi ____________________________ İmzası __________________ 2) Adı və soyadı ________________________ Ekspertiza tarixi “___”_________ 20___ il Rəyi _____________________ İmzası __________________ 3) Adı və soyadı _________________________ Ekspertiza tarixi “___”_________ 20___ il Rəyi _____________________ İmzası __________________ |
LAYİHƏNİN ADI
Layihənin adını aydın şəkildə yazın.
PROBLEMİN TƏSVİRİ
Layihədə həllinə çalışmaq istədiyiniz problemi (məsələni) təsvir edin. Problemin Azərbaycan cəmiyyəti üçün aktual olduğunu əsaslandırın (məlumatın həcmi 1 səhifədən (A-4) çox olmamalıdır).
LAYİHƏNİN MƏQSƏD VƏ VƏZİFƏLƏRİ
Layihənin məqsədini və qarşıya qoyduğu vəzifələri göstərin.
LAYİHƏDƏN FAYDALANANLAR
Layihənin ünvanlandığı əhali qrupu haqqında məlumat verin.
LAYİHƏ ÇƏRÇİVƏSİNDƏ GÖRÜLƏCƏK İŞLƏR
Layihə çərçivəsində göstərilən məsələnin həlli üçün hansı işlər görəcəyinizi ardıcıllıqla qeyd edin və hər bir fəaliyyətin qısa şərhini verin.
İCRA PLANI
Xronoloji ardıcıllıqla cədvəl şəklində layihənin həyata keçirilməsi üçün nəzərdə tutulan fəaliyyəti, onun icra vaxtını, yerini və icraya məsul şəxsi qeyd edin.
GÖZLƏNİLƏN NƏTİCƏLƏR
Layihənin icrasından əldə olunacaq konkret nəticələri qeyd edin. Layihə təsvir edilən problemin həllinə necə təsir edəcək?
LAYİHƏNİN MONİTORİNQİ VƏ DAVAMLILIĞI
Layihənin icrası və nəticələri haqqında ictimaiyyətin məlumatlandırılması və informasiya əldə etmək yollarını göstərin. Layihənin icrası başa çatdıqdan onun davamlılığının təmin olunması istiqamətində görəcəyiniz işləri qeyd edin.
LAYİHƏNİN QİYMƏTLƏNDİRİLMƏSİ VƏ HESABATLIĞI
Layihənin qiymətləndirmə meyarlarını və hesabatlılıq formalarını qeyd edin.
BÜDCƏ
Büdcə Microsoft Excel Proqramında tərtib olunmuş ayrıca sənəd şəklində layihəyə əlavə olunmalıdır.
E-mənbə: http://azertag.com/
İctimai fəallıq | Şərhlər(0) | Baxış sayı: 68
